مجنون في 24 ساعة

مجنون فى 24 ساعه

صار الان في مقدورك انت تكون مجنونا ورسميا في خطوات بسيطة ومضبوطة ومقننة وفي مدة 24 ساعة فقط ...ونيبنا من العربي الفصيح واقلك اني هفضل معاك خطوة بخطوة بداية من صحيانك من النوم حتى وصولك الى مستشفى المجانين

بداية حضرتك صحيت من النوم على صوت المنبه طبعا امسك المنبه وعلى اول حيطة تقابلك وارزعه فيها..ودلوقتي نكمل نوم عادي جدا..ايه ده استنى في حد صحي من النوم عشان يكمل جريمة حرمانك من السعادة والنوم امسك الجزمة واستعد ونشن وعلى دماغه عدل...دلوقتي بقى حقك انك تنام بقية اليوم..ايه سيادتك معترض عشان عليك امتحان اوك .اصحى من النوم واستعد لمرواح الكلية بس قبل ما تنزل ابعت ايميل لوزير التعليم العالي على اعتراضك على معاد الامتحانات ...قبل ما تنزل لازم تفطر معروف ان الفطار هو اهم وجبة في اليوم فعشان كدا مش هتفطر..بديهي ولازم تشرب كباية شاي حبر من غير سكر عشان تجيلك قرحة ..ما انت هتبقى مجنون

دلوقتي انت في الشارع..هتروح الكلية ازاي..ايه مترو..اتوبيس.ثكلتك امك..ده انت هتبقى مجنون اد الدنيا عيب كدا..يلا خد تاكسي..مش معاك فلوس مانا عارف بس خد تاكسي وملكش دعوة ..المهم اركب من ورا وتابع الطريق في تأني وحذر ...التاكسي قرب من الكلية.براحة كدا ابدا واقلع هدومك حتة حتة ..وممكن تحتفظ بال(..) عشان البرد او الظروف التي يتعذر قولها...التاكسي وصل والسواق هيطلب الاجرة..صرخ بكل صزتك يسقط الاحتلال الانجليزي ويسقط الملك والحكم المستبد..السواق مش هيتجرا يطلب الاجرة انزل بقى من التاكسي ...استنى اوعى تلبس هدومك ادخل الكلية عادي واتجه راسا على مكتب العميد وبينله انك عايز تنقشه في قضية خطيرة زي ارتفاع سعر الحشيش او رواية (وليمة لولاد الكلب) وطبعا هيطلبك الامن لما يشوف منظرك قوم اطلع على مكتبه وغني بوس الواوا اول الامن وصل اترمي على الارض وصرخ وابكي وحرقة وقول ان العميد حاول يسلبك اعز ما تملك..وكدا تبقى انتقمت من العميد والكلية باسرها ..طبعا هيهدوك البس هدومك وارجع على بيتك...لسة المتعة اللي بجد جاية

اقعد واستنى السيد الوالد يدخل ..ابوك جه وفي ايده البطيخة زي اي اب مصري عتيد..امسك السكينة وحطها على رقبة اختك الصغيرة او اخوك
وهدد ابوك انه ياما يديك 500 جنيه ياما تقتل اختك...طبعا ابوك مش هيهتم..هدده انك تقول لامك على علاقته بجارتكم ...دلوقتي بس هيهتم ..دلوقتي وبعد ما بقيت غني..اديني 250 جنيه تمن الكورس ده وافتحها عليا يفتحها ربنا في وشك...تعاطفك وحده مش كفاية معايا
وبال250 الباقية روح وادفع تمن ترشيحك في مجلس الشعب

اخر حاجة هات كرسي وظبط ساعتك بعد ربع ساعة بالظبط هتلاقي نفسك بتتعالج بالصعق الكهربي ودي الشهادة الرسمية على انك بقيت مجنون رسمي


ranon